其實細心o既朋友會留意到本書裹面已經貼o左好多貼紙,今次行程之所以順利進行都係全靠佢
o地。
你o地又會問無o拉o拉又點會有o的貼紙係上面呀?
問得好,其實幕後工臣咪係我主人o羅,佢用o左2年時間準備今次行程,搜羅所有有關泰國o既資料
再將佢o地分門別類,將所有最平最cheap o既out走,再將所有最high最貴o既o野加上貼紙,變成今次行程。
言歸正傳,今日我o地朝早9點幾鐘起身,你o地又會問,o華！又唔係跟團,駛唔駛咁早呀?答案係:[要]
因為今日我o地要去拜四面佛,早o的去就唔駛同o的旅行團撞o羅
四面佛o既地點都幾得意,佢被o的高級商場包圍著,有o的似係中環置地廣場同馬莎中間個十字路囗拜神咁
點解會無四面佛o的相o架,因為我主人唔俾影,咁咪影下周圍o的o野o羅
你睇下我主人拜神拜得幾神心,佢許o左2個願,第一個就係佢希望心想事成,第二個就係希望第一個願望可以達成,之後就可以番o黎還神
經過一輪唱歌跳舞,苦行,五拜九叩等拜神儀式後離開四面佛。Siam 同 Chit Lom 係集曼谷最潮最high,最多大型商場o既地方,亦係香港旅行團必到o既地方,所以唔須多介紹
ZEN 好多人話係曼谷最in蒲點,我就覺得無乜特別,不過我就係道等o左我老婆2個幾鐘,佢好似撞o左邪o甘,囗裹面不停o甘講同一句說話,佢話: o華！o的底衫衭真係好抵呀！
最後放底o左成hkd$2000先可以令佢正常番多少
行o左成曰曼谷商場後,發覺佢o的大型商場都不外如事o姐,佢o地就好似朗豪坊+amp+圓方+旺角中心搵o的天橋串起,好多o野香港都有得買,仲要平過果邊,反以一o的小型商場有o的驚喜,佢o地有o的
手作仔都幾得意
商場裹面有好多藝術品
椰子雪糕-----HKD$10 超正
有間專賣Mr.P 既鋪頭,我o黎o的fans當然要潮拜下,而我亦係裹面買o左我係泰國唯一手信
Mr.P鎖匙扣一個,價值HKD$50
行行下,俾我o地貝到間桂花拉麵,o黎間o野我o地係東京都食過好好味o架！今日俾我o地係道撞番,當然要重溫舊夢o拉！
叉燒拉麵--------唔得,同日本差九丈遠
行完一輪商埸,原本今日諗住走食乳豬仔,點知晚夜8點幾鐘走到已經話無o麗,咁只能夠早o的返酒店休息,留番明天請早,第二曰行程亦到此為止。
沒有留言:
張貼留言