今年同之前兩年曰本之旅好大分別,今次我o地過o左一熱辣辣o既新年,目的地係--------泰國
因為之前兩年日本之旅我地都係跟團,o的行程唔係全陪o岩心水之外,o的領隊又成日叫你買o黎樣,食果樣,所以我同我主人都唔係咁鐘意跟團,今次我o地膽粗粗試下自由行,其實出發之前都有o的擔心,因為我地都係第一次去泰國,好啦,好啦,唔講咁多,出發啦！！
今次我o地搭0910時飛機,所以倒塔咁早就要起身
你o地會問點解成日都見到隻狗仔呀,同我friend 果o的都知我平時點對我老婆啦,唔係打佢,就係鬧佢,再唔係就趕佢出門囗,而o黎隻係我第一次亦係唯一一次送俾我老婆o既公仔,所以佢特別珍惜佢,仲幫佢改o左個名----亞皮.
因為我老婆個老細要佢早o的返工,所以我o地要提早行程,仲要每人加$3200改搭國泰(原本全個行程每人都係$3900),好彩佢老細幫佢俾佢果份.
上機啦！！
唔好俾我o的攝影技術騙o左,其實個飛機餐唔多好食,都係留番個肚到o左泰國先食
成3個鐘頭機,無乜o野做,影番兩張例牌相先！！
終於踏足泰國,係機場攪入境個陣突然有人拍我老婆個頭,轉身一睇,o華！原來係佢老細一家,有冇咁斜呀！！都話日逗唔好講人o刺！！經過一輪寒喧之後,各有各閃。
一離開機場,我o地就立刻跳上的士前往我o地下塔o既酒店,Nana區 ibis hotel
原本我o地諗著住係市中心Siam o既5星級酒店,點之個sales話o黎間酒店又平又靚(其實只係差$160一曰),同Siam只係差3個BTS 站,咁我咪信佢一次o羅,點知一到酒店就有o的奶o野o既感覺,間房的式同無景不在話o下,就連最基本o既牙膏牙刷都無,有冇攪錯呀,不過間房都算清絜企理。
一放低行理我o地就急不及代走感受下泰國o既熱情
我o地係曼谷o既主要交通工具----BTS
整下整下其實都到o左下晏1點幾,都覺得好肚餓啦,咁我o地就去o左Chit Lom其中一個商場入面搵
o野食,無意間俾我o地見到o黎間"大戶屋",係香港我o地都好想食o黎間o野,但係每次都大排長龍,所以未試過,今次咁o岩撞到,加上唔使排隊於是入去試試
喬麥麵餐-----ok
漢寶扒餐-----ok
行完一輪商場,等到黃昏天氣無咁熱之後,我o地轉戰另一個地方-----唐人街
買手信,買手信,款式至多至好味雖然條街唔係好長,但係已經有幾間唔同o既林真香啦,攪到我o地花多眼亂,唔知買邊間好,最後我係合記果道買手信,因為果道有個識講廣東話o既sales
買完手信之後,當然要試試o的唐人街出名o既魚翅啦
原先諗住留肚食海鮮燒烤,所以2個人叫o左一客魚翅,其實我覺得個翅麻麻,佰幾蚊又唔係好低,點解咁多人山長水遠o黎食?
買完手信,食完翅之後,我o地又再到下一程-------Suan-Lum Night Bazaar
o黎個夜市我覺得係一個富泰國風彩o既廟街
行到咁上下,我同我老婆走o左入一間腳底按摸鬆一鬆,佢又唔係貴wo,幾十蚊一個鐘,店內大部份係男技師,唯一一個女技師(個樣幾好o架)正幫我旁邊o既 鬼婆按緊,當時心諗幫我按咪好o羅(講笑o姐),當我o地坐底之後,果個女技師就同我個技師吹水,我發現點解佢把聲好似怪怪地,我再睇睇佢條頸,o 華！！有喉核o既！！原來佢係人妖,我個心又諗,好彩無幫我按o姐。按完之後都差唔多11點幾,我o地都返酒店休息,全日行程完畢
沒有留言:
張貼留言